یقین کر لو، ظلِ ہُما ڈھونڈتا ہوں۔۔۔
یقین کر لو، ظلِّ ہُما ڈھونڈتا ہوں
زمانے کے اندر وفا ڈھونڈتا ہوں۔۔۔۔
میں پلکوں پہ اشکوں کے تارے سجا کر
اندھیرے میں دل کے ، ضیاء ڈھونڈتا ہوں۔۔۔۔
مرے سر پہ سورج چمکتا ہے غم کا
ترے گیسوؤں کی گھٹا ڈھونڈتا ہوں۔۔۔۔
ترا نام لے دوں ، پتہ بھی بتا دوں
اگر کوئی پوچھے میں کیا ڈھونڈتا ہوں۔۔۔۔
جو دل میں اتر جائے اک تیر بن کر
کسی شخص کی وہ صدا ڈھونڈتا ہوں۔۔۔۔
سنا ہے خدا دل میں رہتا ہے باقی!
میں دنیا کے اندر خدا ڈھونڈتا ہوں۔۔۔۔
!شاعر: انتظار باقی ۔۔۔
0 Comments